Selebrashon di 25 aña Kermit Speelschool

11 aña pasá mi tambe a siña hopi na Kermit. Mi ta gusta Kermit pasobra mi no tabata siña so; mi tabata pasa tambe dushi tempu ku mi amigu nan Khalil, Jerico, Andrea, Xavier,Yaël, Kaylee i Adalie. Nos 8 a pasa hopi tempu huntu, i nos tabata bai kada bes serka otro na kas. Mi promé yufrou tabata yufrou Jenny, i e aña despues tabata yufrou Meredith. Yufrou Jenny i yufrou Meredith ta lif mes. Nos tabata siña i hasi yen kos leuk, por ehempel nos tabata sinta den kren, hunga ku blòki i klei. I tambe nos tabata pinta, traha kosnan bunita, kanta kantika nan huntu, anto kanta Himno i subi bandera di Kòrsòw. Mi tabata gusta hunga ku blòkie. Mi ta kòrda ku mi tabata gusta sinta abou den e greis blanku na e skòmel pa buska e piedra lombrantenan, anto mi tabata spar esun di mas bunita. Ora un mucha hasi aña, semper tin blas ku bolo i limonada of djus, i ami tabata gusta mashá. Tante Ita semper ta trata nos asina lif. Ta pa esei mi ta bishita Tante Ita ahinda turesten mi ta serka. Mi ta yama nan tur hopi danki te awe pasobra nan a hasi un bon trabou. Kermit ta un skol asina dushi anto esei ta hasie imposibel pa mi por lubida.

Mi ta yama Dios danki pa 25, i 25 i más di e bon aña nan pa Kermit Speelschool!

Strike a pose, cousin Quiona!